Сайт тест режимида ишламоқда.
ЎЗБЕКЧА | РУССКИЙ

Телефонлар:
(0372) 226-00-11
(0372) 226-31-32
» » Вилоят қишлоқ хўжалиги ривожида пахта-тўқимачилик кластерларининг аҳамияти катта

Вилоят қишлоқ хўжалиги ривожида пахта-тўқимачилик кластерларининг аҳамияти катта

20 сентябрь 2019 йил
114
0

Маълумки сўнгги йиллар давомида мамлакатимизда қишлоқ хўжалигини ривожлантириш юзасидан бевосита давлат раҳбаримиз бошчилигида ҳукуматимиз томонидан қатор қарор ва фармонлар тасдиқланиб, соҳани ривожлантириш бўйича замон талабларига мос бўлган бошқарув усуллари ва техник-технологик ютуқлар амалиётга жорий қилинмоқда

Жумладан, Ўзбекистон Республикаси Президентининг «Тўқимачилик ва тикув-трикотаж саноатини жадал ривожлантириш чора-тадбирлари тўғрисида» 2017 йил 14 декабрдаги ПФ-5285-сон Фармони, шунингдек Ўзбекистон Республикаси Вазирлар Маҳкамасининг 2019 йил
18 мартдаги 230-сонли «Пахта-тўқимачилик ишлаб чиқаришини ривожлантириш бўйича қўшимча чора-тадбирлар тўғрисида» қарори билан пахта-тўқимачилик ишлаб чиқариш кластерларини фаолиятини ташкил этишга алоҳида эътибор қаратилмоқда.

Вазирлар Маҳкамасининг юқорида таъкидланган қарори ижросини ўз вақтида таъминлаш, яъни пахта-тўқимачилик ишлаб чиқаришини ташкил этишнинг замонавий шаклларини жорий қилиш, пахта-тўқимачилик ишлаб чиқариши ҳудудида жойлашган пахта тозалаш корхоналари ва пахта тайёрлаш пунктларининг ишлаб чиқариш қувватларидан самарали фойдаланиш мақсадида жорий йилда Жиззах вилоятининг 4 та туманида жами 27,8 минг гектар майдонда, жумладан Ш.Рашидов туманидаги "Жиззах индустриал тўқима" МЧЖ, Дўстлик туманидаги "Сангзор текстил" МЧЖ, Зафаробод туманидаги "Жиззах кентекс" МЧЖ ҳамда Пахтакор туманида “Silverleafe BMB Agro Trade Group” МЧЖ (АҚШ) корхоналари томонидан кластер усулида пахта етиштириш йўлга қўйилди.

2019 йилда вилоятдаги жами пахта майдонларининг 35,6 фоизида мазкур кластерлар томонидан пахта етиштирилмоқда.

Янги қувватларни ташкил этиш ва кластерлар фаолиятини йўлга қўйиш натижасида, 2019 йилда ишлаб чиқарилаётган пахта толасининг вилоятимизда қайта ишланиши ўтган йилга нисбатан сезиларли даражада ошиши назарда тутилган.

Шунинг учун кластерлар фаолиятига ҳар томонлама ёрдам беришимиз зарур. Пахтачиликда қишлоқ хўжалигининг келажаги, унинг иқтисодий самарадорлиги кластерлар билан боғлиқ. Жорий йилда пахта-тўқимачилик кластерларига берилган барча имтиёзларни кейинги йилларда ташкил этиладиган кластерларга ҳам тадбиқ этиш, кластерлар фаолиятини янада кенгайтириш зарурлиги англатади.  

Вилоят статистика бошқармаси

қишлоқ хўжалиги ва экология

статистикаси бўлим бошлиғи

У.Юсупов

скачать dle 12.0
Муҳокамага қўшилинг
Фикр билдириш
Изоҳлар (0)
Фойдали ҳаволалар